Kufuatia Ushindi dhidi ya Chelsea: Pep Guardiola Amlinganisha Erling Haaland na Viwango vya Kina Messi na Ronaldo

Erling Haaland

Pep Guardiola alimpongeza sana Erling Haaland baada ya mshambuliaji huyo nyota kufumania nyavu katika ushindi wa 2-0 wa Manchester City ugenini dhidi ya Chelsea.

Katika mechi yake ya 100 katika klabu hiyo, mabao 91 ya Haaland yalilinganishwa na kazi za Cristiano Ronaldo na Lionel Messi. Katika ushindi huo uliopatikana Stamford Bridge, bao la Haaland lilimhakikishia kufunga katika wikendi ya ufunguzi wa Ligi Kuu kwa mwaka wa tatu mfululizo sasa.

Haaland akiwa na Pep Guardiola

Kocha wa Manchester City Pep Guardiola alilinganisha nambari za mabao za Erling Haaland na zile za Lionel Messi na Cristiano Ronaldo baada ya Mnorway huyo kufunga bao katika ushindi wa 2-0 dhidi ya Chelsea.

Katika mechi yake ya 100 akiwa na kikosi cha Guardiola, Haaland alifunga bao hilo dakika ya 18 na kufungua ukurasa wa mabao kwenye Uwanja wa Stamford Bridge, kabla ya Mateo Kovacic kuhitimisha ushindi huo.

Umaliziaji wa hali ya juu dhidi ya Robert Sanchez ulifanya jumla ya mabao ya Haaland kwa City kufikia 91, ingawa mchezaji huyo mwenye umri wa miaka 24 alifichua kuwa meneja wake ameomba mabao zaidi msimu huu.

"Hizi ni nambari kama [Lionel] Messi na [Cristiano] Ronaldo, ambazo zilidhibiti kila kitu katika muongo uliopita. Nambari zake ni kiwango hicho. Kufanya hivyo katika nchi hii ni jambo la kustaajabisha.” Alisema Gurdiola

Haaland imenyakua Kiatu cha Dhahabu cha Ligi Kuu ya Uingereza katika kila moja ya misimu miwili iliyopita na ina uwiano wa juu zaidi wa dakika kwa kila bao katika historia ya Ligi Kuu.