Argentina Yachukua Kombe la Copa America huku Messi akiaga kwa Machozi

Wachezaji wa Timu ya Argentina Wakishangilia Kunyakua Kombe la Copa America

Argentina ilitwaa taji lake kuu la tatu mfululizo kwa ushindi wa muda wa ziada dhidi ya Colombia mjini Miami Jumapili, huku Lionel Messi akitokwa na machozi akielekea kuaga soka la kimataifa katika fainali ya Copa América iliyocheleweshwa kwa fujo za umati wa mashabiki.

Mshambuliaji wa Argentina Lautaro Martinez, akitokea benchi, alifunga goli ndani ya muda wa ziada na kupelekea ushindi wa 1-0 kwa mabingwa hao wa dunia ambao ulihitimisha msururu wa mechi 28 za Colombia bila kufungwa na kuiletea Argentina rekodi ya taji la 16 la Copa América.

Ulikuwa ni mchezo mgumu ambao ulishuhudia nahodha wa Argentina Lionel Messi, 37, akitolewa katika kipindi cha pili baada ya kupata jeraha la kifundo cha mguu katika mchezo unaoelekea kuwa wa mwisho kwake katika michuano mikubwa ya kimataifa.

Kapteni wa timu ya Argentina Lionel Messi akiondoka uwanjani kufuatika kuumia kifundo cha mguu wakati wa Fainali ya Copa America dhidi ya Colombia 

Gwiji huyo wa soka alionekana mwenye hisia kali alipotazama mchezo huo ukitokea kwenye benchi huku akiuguza kifundo cha mguu wake wa kulia kilichovimba.

Lakini machozi yaligeuka kuwa shangwe kwenye kipenga cha mwisho wakati Messi aliyekuwa akitabasamu alipowakumbatia wachezaji wenzake na wakufunzi kwa tabasamu kubwa kabla ya kunyanyua kombe hilo huku mashabiki wa Argentina wakiwashangilia mabingwa hao.

Matukio ya kusherehekea yalikuwa kilele cha usiku wa machafuko huko Florida, ambapo kuanza kwa mchezo huo katika Uwanja wa Hard Rock uliouzwa tiketi zote wenye uwezo wa kuchukua watu 65,300 ulicheleweshwa kwa zaidi ya saa moja baada ya maelfu ya mashabiki wasio na tiketi kujaribu kuingia uwanjani kwa nguvu, kulingana na msemaji wa uwanja huo.

Vijana wadogo Mashabiki wa Argentina wakiwa nje ya uwanja baada ya kukosa nafasi ya kuingia ndani

Picha na video kutoka nje ya uwanja zilionyesha msongamano mkubwa wa watu, huku wanawake na watoto wakionekana kuwa na huzuni miongoni mwa maelfu ya mashabiki wamekwama nje ya lango. Angalau picha moja ilionyesha mashabiki wakianguka juu ya kila mmoja kwenye kizuizi kilichopinduliwa. Video pia zilionyesha baadhi ya mashabiki wakipanda kuta za uwanja ili kujaribu kuingia. Haijulikani ikiwa mashabiki au wanausalama walijeruhiwa. 

Matukio ya fujo wakati mashabiki wa Colombia na Argentina wakijaribu kupita lango ili kutazama fainali ya Copa América

Machafuko huko Miami siku ya Jumapili yanakuja baada ya ushindi wa Colombia wa nusu fainali dhidi ya Uruguay huko Charlotte, North Carolina, ulikumbwa na matukio yasiyopendeza. Hasira zilipamba moto Jumatano baada ya mechi ya majaribio, wakati wachezaji wa vikosi vyote viwili walipambana uwanjani kabla ya picha za moja kwa moja za runinga kuonyesha wachezaji wa Uruguay wakiingia uwanjani na kukwaruzana na mashabiki.